آخر 10 مشاركات : كلمه ذكرى للجميع بالمنتدى (الكاتـب : hero - آخر مشاركة : ✿TOOTA✿ - مشاركات : 28 - المشاهدات : 6250 - الوقت: 07:42 PM - التاريخ: 04-23-2014)           »          كن ذلك الرجل اللطيف... (الكاتـب : dr.amany - آخر مشاركة : ✿TOOTA✿ - مشاركات : 5 - المشاهدات : 484 - الوقت: 07:40 PM - التاريخ: 04-23-2014)           »          تاريخ و جغرافيا (الكاتـب : dr.yasser.m.h - آخر مشاركة : ✿TOOTA✿ - مشاركات : 3 - المشاهدات : 337 - الوقت: 07:39 PM - التاريخ: 04-23-2014)           »          حكمة اليوم (الكاتـب : مصرية وافتخر - آخر مشاركة : ✿TOOTA✿ - مشاركات : 1 - المشاهدات : 8 - الوقت: 07:38 PM - التاريخ: 04-23-2014)           »          انت مسافر ؟ ادخل هنا فورا (الكاتـب : max!m - مشاركات : 7 - المشاهدات : 734 - الوقت: 06:24 PM - التاريخ: 04-23-2014)           »          مطلوب للكويت اخصائيين عيون ورمد ماجستير قديم وخبرة لشركة البدر الدولية للتوظيف بالمنوفية (الكاتـب : البدر الدولية - مشاركات : 0 - المشاهدات : 1 - الوقت: 05:47 PM - التاريخ: 04-23-2014)           »          خطوات الكشف الطبى للسفر لدول الخليج (الكاتـب : yoga - مشاركات : 1 - المشاهدات : 56 - الوقت: 04:08 PM - التاريخ: 04-23-2014)           »          برنامج إدارة العيادة (مجاني 100%) (الكاتـب : drheba - آخر مشاركة : drsheko - مشاركات : 31 - المشاهدات : 11654 - الوقت: 03:15 PM - التاريخ: 04-23-2014)           »          حديث شريف جديد (الكاتـب : Dr/Omnia - آخر مشاركة : مصرية وافتخر - مشاركات : 6 - المشاهدات : 1339 - الوقت: 10:16 AM - التاريخ: 04-23-2014)           »          كلمنا عن محافظتك او مدينتك (الكاتـب : dr.yasser.m.h - آخر مشاركة : مصرية وافتخر - مشاركات : 47 - المشاهدات : 2098 - الوقت: 10:07 AM - التاريخ: 04-23-2014)


عودة طب مصر للحياه ................... منتديات طب مصر ترحب بكم ....................... قاعدة البيانات القديمة غير موجودة للاسف , فنرجو من كل عضو تسجيل عضويته من جديد .............................عودة طب مصر للحياه ...................الموقع الان يقوم علي قاعدة بيانات منتدي أطباء مصر السابق .......................منتديات طب مصر ترحب بكم ....................... |

facebook


العودة   طب مصر > الماجستير و الشهــادات الاجنبيـة FELLOWSHIPS > قسم الزمــالات والمعـادلات

إضافة رد
 
أدوات الموضوع
#1  
قديم 07-29-2010, 01:11 AM
zola_797
zola_797 غير متواجد حالياً
لوني المفضل Cadetblue
 رقم العضوية : 5
 تاريخ التسجيل : Jul 2010
 فترة الأقامة : 1365 يوم
 أخر زيارة : 05-15-2013 (10:10 PM)
 المشاركات : 39 [ + ]
 التقييم : 10
بيانات اضافيه [ + ]
5518 حصريا المعـادلـة الاستـراليـة amc من الالف الي الياء ( الجزء التاني والثالث )






السلام عليكم ورحمه الله وبركاته


فيه ناس يمكن تعرفني وفيه ناس لا , انا كنت كتبت موضوع المعادله الاستراليه في احد المنتديات وتقوفت فجاه بدون ما اكمل , بس ده كان لظروف خاصه بالمعادله سوف اشرحها لكم , والذي جعلني اكمل بعد اللي حصل لي هو احد اعضاء المنتدي الذي طلب انا احكي ليكم كل شي بدايه من مصر هنا حتي استراليا ثم عودتي ثم عودتي ان شاء الله الي استراليا حتي لا يخطئ احد في اخطائي


سوف ابدا من البدايه ومستعد لاسئلتكم








آخر تعديل zola_797 يوم 08-05-2010 في 02:12 PM.
رد مع اقتباس
قديم 07-29-2010, 01:19 AM   #2
zola_797


الصورة الرمزية zola_797
zola_797 غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jul 2010
 أخر زيارة : 05-15-2013 (10:10 PM)
 المشاركات : 39 [ + ]
 التقييم :  10
لوني المفضل : Cadetblue
5518 يتبع



سلام عليكم . في الاول انا اعرفكم بنفسي , انا اسمي د . احمد من الشرقيه من مدينه فاقوس وانا دلوقتي تكليف , النهارده اكلمكم عن موضوع مهم جدا وجميل جدا وهو المعادله الاستراليه من الالف الي الي الياء , من لماذا تفكر فيها مرورا بالتسجيل مرورا بالكتب اللي اتذاكر بها وتوثيق الورق والرسوم ومواعيد الامتحان والتاشيره وخطوط الطيران اللي اتسافر عليها واسعارها ومواعيدها وزاي تبحث عن سكن في استراليا من قبل ما تدخل هناك . كل الخطوات ديه انا عملتها وعن خبره صادقه بدون مبالغه , فاعذروني عن التاخير في الكتابه لاني مشغول بتخليص الورق, علي فكره اللي خلاني اكتب عن الموضوع ده سببين الاول خدمه اخواني من اطباء مصر ونصحهم من مبدا الدين نصيحه والسبب الثاني مرتبط بالاول وهو اني لاحظت اكتر ناس بيقدموا علي الامتحان ده من الهند وبجلادش وافغانستان وباكستان وهم مش احسن من دكاتره بلدي وعلي فكره احنا مستوانا احسن منهم بمراحل فوق ما تصوروا .
اولا : لماذا استراليا :
لاسباب كثيره منها ان المعادله بتاعتها سهله بالنسبه للمعادله الانجليزيه واقل تكلفه بالنسبه للكنديه او الامريكيه , ولان استراليا كما يسموها بلد المهجر وفي عجز شديد بالنسبه للاطباء , وايضا لان الدخل هناك بالنسبه للاطباء اعلي بكثير من مصر ومن دول الخليج , ولا يوجد هناك حكايه كادر الاطباء ولا يحزنون.
ثانيا : التسجيل :
هناك عده خيارات للتسجيل وهي مثلا لو انت واخد المعادله الانجليزيه او الكنديه او الامريكه ممكن تعادلها بالاستراليه ,
طريق اخر وهو اللي كل الناس بتعمله وهو انك تسجل في المجلس الطبي الاسترالي وذلك لدخول الامتحان الخاص بهم والمتحان ده جزءين نظري (mcq ) وعملي , كيف يتم التسجيل هذا هو الي اشرحه لكم حتي لا توجد اخطاء وتاخير حتي لا يحصل كما حصل معي .
اول حاجه تروح للموقع بتاعهم [عزيزي الزائر يتوجب عليك التسجيل للمشاهدة الرابطللتسجيل اضغط هنا] بعد كده تسجل ولازم يكون عندك ماستر كارد او فيزا علشان تدفع الرسوم الاوليه وهي 175 دولار استرالي , طيب ازاي اتعمل ماستر كارد او فيزا كارد . لو رحت لاي بنك في مصر ايقول لك لازم تفتح حساب 5000 جنيه وتاخذ الكارد , طبعا انت مش معاك . تعمل ايه , روح لبنك مصر واعمل فيزا الانترنت المدفوعه مقدما وديه ب12 جنيه وبعد كده ضع فب المبلغ اللي يناسبك, و علي فكره لازم يكون معاك جواز سفر علشان التسجيل , نرجع لموضوعنا , تدخل الموقع وتسجل , التسجيل من عده خطوات وصفحات وهي كالاتي تكتب اسمك زي ماهو موجود في الجواز حرف حرف , وتخلي الشهاده بتاعتك من الكليه بالعربي والانجليزي ومره تانيه تخلي الشهاده بتاعنك اللي بالانجليزي اسمك فيها زي الجواز بالضبط . بعد ما تسجل اسمك اتروح للصفحه التانيه وتسجيل بياناتك وتاريخ ميلادك وعنوانك واسم كليتك , بعد كده الصفحه الي بعد كده وهي الخطوه المهمه جدا ,


 
التعديل الأخير تم بواسطة zola_797 ; 08-03-2010 الساعة 01:28 AM

رد مع اقتباس
قديم 07-29-2010, 01:20 AM   #3
zola_797


الصورة الرمزية zola_797
zola_797 غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jul 2010
 أخر زيارة : 05-15-2013 (10:10 PM)
 المشاركات : 39 [ + ]
 التقييم :  10
لوني المفضل : Cadetblue
5518 يتبع



للصفحه التاليه وهي بتاعت اثبات الشخصيه الخاص بك , وبسبب اخوانا الهنود اللي بيقدموا شهادات مزوره , استراليا عامله شروط علشان تتاكد من شخصيتك مطابقه للي موجود في الشهاده ولا لا وهي كالاتي , عامله خمسه فئات , الفئه الاولي 70 نقطه , الفئه الثانيه 70 نقطه , الفئه الثالثه 40 نقطه ,الفئه الخامسه 25 نقطه , سيادتك مفروض يكون عندك اكثر من 100 نقطه , ازاي ,


احنا وصلنا لاثبات الشخصيه وقلنا في اربع فئات ولازم تجمع فوق 100 نقطه ازاي ,
الفئه الاولي ب 70 نقطه وهي يكون معاك تسجيل طبي من اي ولايه استراليه . حضرتك طبعا مش معاك , روح للفئه التانيه وهي ب70 نقطه ايضا وهي و يكون معاك جواز سفر او شهاده ميلاد بالانجليزي , طبعا انا اخترت جواز السفر ليه و لانهم بيفضلوه ولانه في صورتك , ومكتوب بالعربي والانجليزي , اذا كده انت اتختار جواز السفر وكده ايكون عندك 70 نقطه , روح للفئه التالته ب 40 نقطه وهي يكون معاك بطاقه هويه استراليه او بطاقه موظف استراليه او معاك شهاده امتحان ايلتس ويكون فيها بياناتك علي فكره تكلفه امتحان الايلتس 750 جنيه مصري سيبك من الفئه ديه , روح للفئه الرابعه وهي ب25 نقطه , اذا كده لازم يكون معاك حاجنين منها علشان يكونوا ب50نقطه + 70نقطه بتاعت جواز السفر وكده يكون عديت ال100 نقطه , الفئه الرابعه فيها ايه , اقول لك كارد بنك زي الفيزا (25 نقطه) اللي عملتها ورخصه قياده دوليه (25نقطه) , طيب انت معاك رخصه مصريه ,تعمل ايه , روح للاداره العامه للمرور عند جامع رابعه وروح قول انا عاوز شهاده تحريات للرخصه الدوليه , اتاخذها ببلاش وانت واقف , بعد كده روح لنادي السيارات اللي في وسط البلد في شارع قصر النيل واديهم شهاده التحريات +صوره من الرخصه بتاعتك وادفع 40 جنيه واتسلتم الرخصه بعد ساعه , وخليهم يكتب اسمك بالانجليزي بالضبط حرف حرف زي اللي انت مسجله في جواز السفر وشهاده التخرج بتاعتك . اوعي اوعي اوعي يكون اي حرف من اسمك في الاوراق اللي تقدمها متغير ولو حرف واحد, طيب افرض انت مش معاك رخصه تعمل ايه , في الفئه الرابعه ايضا ممكن تسجيل مزاوله المهنه ب25 نقطه , بس يكون مترجم , علي فكره فيه حاجات كتير في الفئات الاربعه , بس هم مش بيقبلوا من غير الاسترالين غير ده فقط وممكن انت تتاكد وترسل ليهم وتسالهم,

ما هي اهم الاخطاء في الحاجات اللي انا قلتها وحصلت لي ؟
علي فكره عند حصول خطا ,لازم تدفع تمن غلطك وهو 110 دولار استرالي , وده اللي حصل معاي


 
التعديل الأخير تم بواسطة zola_797 ; 08-03-2010 الساعة 01:29 AM

رد مع اقتباس
قديم 07-29-2010, 01:22 AM   #4
zola_797


الصورة الرمزية zola_797
zola_797 غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jul 2010
 أخر زيارة : 05-15-2013 (10:10 PM)
 المشاركات : 39 [ + ]
 التقييم :  10
لوني المفضل : Cadetblue
5518 يتبع



نكمل الموضوع ,
بعد كده اتروح الصفحه الاخيره وهي بتاعت الدفع , والدفع عن طريق اما ماستر كارد او فيزا فقط والرسوم 110 دولار استرالي ( الدولار النهارده ب3.65 جنيه مصري ) بعد ما يتم الدفع عن طريق النت , اتوصلك رساله في ايميلك وهي applicationبالاضافه لورق فيه الحاجات اللي مطلوبه منك توثقها من السفاره , الورق ايه هو , يعني انت مثلا اخترت جواز السفر , والرخصه وكارد بنك لاثبات الشخصيه, الورق ده مطلوب منك توثقه من السفاره , ازاي , اصبر .
وتلاقي ايه تاني في الورق , اتلاقي ورقه عباره عن تصريح منك علشان المجلس الطبي الاسترالي يرسل شهادتك الي امريكا الي اتحاد كليات الطب العالميه علشان يتاكد من ان كليتك معترف بيها وعلي فكره الزقازيق وكل كليات طب مصر معترف بها , ومعني ان كليتك معترف بها , مش شرط علشان تمارس المهنه في استراليا , لا هم عاوزين يتاكدوا من كليتك دراستها محترمه شويه,
كده خلصنا مرحله التسجيل عن طريق النت , وده ثلث الطريق ,
فيه حد عنده سؤال للمرحله ديه


 
التعديل الأخير تم بواسطة zola_797 ; 08-03-2010 الساعة 01:29 AM

رد مع اقتباس
قديم 07-29-2010, 01:24 AM   #5
zola_797


الصورة الرمزية zola_797
zola_797 غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jul 2010
 أخر زيارة : 05-15-2013 (10:10 PM)
 المشاركات : 39 [ + ]
 التقييم :  10
لوني المفضل : Cadetblue
5518 يتبع



نكمل الجزء التاني, وده مهم جدا جدا وعاوز كل واحد يركز فيه, بسم الله نبدا .
بعد ما تسجل في الموقع , اتجي رساله ليك في ايميلك , عباره عن ملف pdf يتكون من 4 ورقات , الورقه الاولي عباره عن رقمك في المجلس الطبي الاسترالي وبياناتك اللي انت سجلتها والاوراق المطلوبه منك توثقيها في السفاره وعنوانهم اللي اترسل الورق عليه سواء ارسلته ببريد عادي, وعنوان اخر لو ارسلته ببريد خاص زي ارامكس,
الورقه التانيه فيها تكتب فيها اسمك وبيانات لك, الورق التالته وهي المهم عباره عن توكيل او تصريح منك ليهم علشان يرسلوا شهادتك لامريكا علشان يتاكدوا من كليتك معترف بيها ولا ( اشرح كل حاجه بالتفصيل) الورقه الرابعه للضرايب وديه تحتفظ بيها عندك او ترسلها مش مهم . وفوق ده كله مطلوب منك ترسل 4 صوره موثقين , انا ارسلت 6 احتياطي. خلي بالك كل ورقه ترسلها او صوره لازم تكون موثقه.
الورقه الاولي :
فيها اسمك اللي انت سجلته وكليتك وسنه تخرجك ورقمك في المجلس الطبي (تحفظه) وفيه الحاجات المطلوبه منك ترسله وتكون موثقه وهي شهادة التخرج (وهي لازم تكون باللغه العربيه ومرفق ترجمه ليها من مكتب ترجمه معتمد ليهم, مش تذاكي وتخلي كليتك طلع شهادتك بالانجليزي ,هم عاوزين الشهاده الي كليتك بطلعها سواء بالعربي او الهندي ولو فيه ترجمه مش يكون من كليتك , يكون من مكتب ترجمه محايد ), والحاجات اللي انت اخترتها علشان اثبات الشخصيه وهي جواز السفر ( بالنسبه لجواز السفر تصور كل صفحتين مع في ورق واحده ( مش وش وظهر )وهم كالاتي الصفحات 2 و3 مع بعضهم في ورقه واحده والصفحات 4 و5 مع بعضهم في ورقه واحده والصفحات 6 و7 مع بعضهم في ورقه واحده , طيب حد يسال ليه ده كله , الصفحات 2 و3 فيها بيانات الجوزار وتاريخ صدوره وانتهاءه , 4 و5 فيه اسمك بالانجليزي والعربي وتاريخ ميلاده وعنوانك وصورتك , الصفحه 7 ليه لان فيها حاجه اسمها توقيع حامل الجواز وديه سيادت لازم توقع في الجواز في الحته ديه ليه لانك في الورقه الثالثه فيها خانه لتوقيعك ولازم يكونوا زي بعض. ده بالنسبه للجواز ) اثبات الشخصيه التاني فيه ناس اختارت الايلتس وده ب 40نقطه تاخذ صوره من النتيجه وتوثقها وفيه ناس اختارت زي الرخصه الدوليه (25نقطه) وبطاقه البنك (25 نقطه) , بالنسبه للرخصه الدوليه تصور الصفحه اللي فيها بياناتك وصورتك بالانجليزي والصفحه اللي فيها اسم الرخصه ونادي السيارات وديه بالفرنساوي والانجليزي, وبالنسبه ل بطاقه البنك تروح تصور وش البطاقه اللي فيها اسمك بالانجليزي وظهر البطاقه علي نورقه واحده مع بعض , يعني الوش فوق والظهر تحتها,
ومطلوب منط تاني 4 صور حديثه مش يكون مر عليها اكتر من سنه وموثقه من السفاره , لما تروح تصور خليهم في ستوديو التصوير يضعه تاريخ علي الصوره , انا ارسلت 6 صور.
ده الورقه الاولي , اما الورقه التانيه فيها بيانات تسجلها وهي اسمك الاول والاوسط واسم العائله وتاريخ ميلادك , كلام كله سهل وواضح ,
الورث التاله و هي بتاعت التوكيل , وفيها توقيعك , نظامها ازاي , اتاخذها معك السفاره ومش تكتب فيها اي حاجه , اتعطيها ليهم وهم ايكملوا بياناتها ويخلوك توقع امامهم ولازم لازم يكون توقيعك زي الجواز , الورقه الرابعه مكتوب عليها للاغراض الضريبيه , صراحتها ابا بعتها تاني ليهم,
ده الحاجات المطلوبه منك اتروح بيها للسفاره في مركز التجاره العالمي الدور 12 يوميا من الساعه 9 الي الساعه 10.30 صباحا فقط وتوثق , كل التوثيق مجانا , بس خذ بالك لو ورقك 10 ورقات او زاد مش اتاخذ الورق في نفس اليوم , اتدفع حوالي 40 جنيه لشركه TNTوهي اترسله ليك بعد يوم , يومين , اسبوع انت وحظك , وفرع الشركه ده اتلاقيه موجود في السفاره,
بعد ك
ه سيادت عاوز ترسل الورق استراليا , عندك شركات شحن زي fedex < dhl > aramex كلهم باسعار حوالي 300 جنيه تقريبا ويوصلوا في 3 ايام , المبلغ كبير , تعمل ايه , اعمل زي , بعد ما تخلص السفاره روح البريد المصري الفرع الرئيسي اللي في العتبه ,تدخل القاعه وترسله , فيه نوعين من البريد سريع وده ب140 جنيه وايوصلك بعد 3 ايام , وفيه بريد مسجل , روح البريد المسجل , وده ايوصل بعد 8 الي 10 ايام ومضمون , بكم , 25 جنيه بس , يا بلاش , ربنا يخلينا الدعم.
ده الجزء التاني , انا حاولت اعرضه بطريقه بسيطه بعكس اللي حصل معي ومش لاقيت حد يشرحه لي


 
التعديل الأخير تم بواسطة zola_797 ; 08-05-2010 الساعة 02:10 PM

رد مع اقتباس
قديم 07-29-2010, 01:25 AM   #6
zola_797


الصورة الرمزية zola_797
zola_797 غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jul 2010
 أخر زيارة : 05-15-2013 (10:10 PM)
 المشاركات : 39 [ + ]
 التقييم :  10
لوني المفضل : Cadetblue
5518 يتبع



لما انت تروح السفاره الاستراليه وعاوز توثق ورق , مثلا ورقتين او تلاته , اتوثقهم وانت واقف , طيب لو عشر ورقات او اكتر , في السفاره ايقولوا لك اترك الورق واحنا انوثقه وانبعته لك عن طريق شركه TNT وديه موجود ليه فرع في قاعه الاستقبال اللي في السفاره وتدفع رسوم الشحن ده حوالي 40 جنيه ويرسلوه لحد بيتك بعد يوم يومين تلاته انت وحظك( انا قابلت هناك مهندس في السفاره قال لي ان ورقه وصل بعد 2 اسبوع , والله هو اللي قالي).
بعد كده لما توثق ورقك انت مفروض ترسله استراليا , وده اما عن طريق شركات شحن خاصه زي fedex dhl aramex وديه اسعاره تتراوح بين 250 جنيه و 350جنيه وده بيوصل في 3 ايام وممكن تعرف المجلس الطبي استلمه ولا لا , وفيه البريد السريع المصري وده ب150 جنيه ويوصل في 3 ايام ايضا بس عيبه انك مش تقدر تعرف المجلس الطبي استلمه ولا لا , غير لما المجلس الطبي يرسل ليك رساله يقولك انه استلم ,
وفيه البريد المسجل تبع الربيد المصري وده ايصل في 8 الي 10ايام ومضمون ميه ميه وب 25 جنيه



 
التعديل الأخير تم بواسطة zola_797 ; 08-05-2010 الساعة 02:10 PM

رد مع اقتباس
قديم 07-29-2010, 01:29 AM   #7
zola_797


الصورة الرمزية zola_797
zola_797 غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jul 2010
 أخر زيارة : 05-15-2013 (10:10 PM)
 المشاركات : 39 [ + ]
 التقييم :  10
لوني المفضل : Cadetblue
5518 يتبع



نكمل الجزء الثالث. بعد سيادتك لما ترسل الورق لتجي رساله لك في ايميلك بعد حوالي اسبوع , اتقول لك سواء ورقك كمل او لسه ناقص, لو ورق ناقص ايقول لك الورق المطلوب والرسوم نظير خطئك وترسله لهم , اما لو ورقك كامل ايقولوا لك , ويقولوا كمان ان ورقك ارسلوه امريكا , بعد كده سيادتك اتنتظر حوالي شهر او شهرين لحد ما يردوا عليك , ان ورقك تم اعتماده وانت اصبحت ميه ميه. بعد كده اتختار ميعاد الامتحان اللي ايناسبك سواء عاوز تمتحن في استراليا او خارج استراليا , بالنسبه لداخل استراليا الامتحان بيتم في 9 مدن كبيره هناك , اما خارج استراليا فيه مدن رئيسيه ثابته وهي لندن ,هونج كونج , استطنبول , واشنطن .نيودلهي . وفيه مدن بتتغير حسب الطلب من تلك الدول . يعني مثلا كان في سنه 2008 الامتحاب بيعقد في 4 مدن في منطقه الشرق الاوسط , وهي القاهره , الرياض , دبي , عمان. سنه 2009 وجدوا ان الطلب من تلك المنطقه قل كتير , فعملوها في مدينه واحد فقط وهي , تل ابيب. والله في اسرائيل. بعد ما سادتك تسجل وتختار ميعاد الامتحان والمكان ايجي لك جواب في ايميلك , تاخدوه وتروح السفاره وتاخذ التاشيره , نوع التاشير , تجاريه (مده قصيره)business visa(short stay) بعد كده تبدا تدور علي خطوط الطيران . بالنسبه لو انت نجحت في الجزء الاول , ابتشتغل بيه هناك. وهناك عندهم حجز كبير ليه , لان دراسه الطب هناك مكلف جدا , والحاجه التانيه عندهم الصحه فب اولويات اي حكومه , علشان كده فيه مستشفيات كتيره هناك جدا , علي فكره مساحتهم اكتر من مصر 6 مرات وعدد سكانهم حوالي 33 مليون. كده اكون قدمت ليكم كل شئ عن المعادله وبتجربه شخصيا لي , يعني مش سمعت من اي حد ونقلت الكلام , لو اي دكتور من مصر او خارج مصر ليه اي سؤال انا موجود في اي وقت قبل سفري ,علي فكره انا حجزت علي امتحان شهر مايو في سيدني, وان شاء الله لما اوصل هناك احكي ليكم كل حاجه هناك بالتفصيل وكل صغيره ان شاء الله .
اه صح بالنسبه للكتب , فيه كتاب عباره عن 600 mcq من بنك الاسئله بتاعهم ,ده حلو جدا لانه فيه الاسئله والاجوبه والاسباب,وفيه كتاب تاني عباره عن المنهج بتاعهم . بالنسبه للكتاب الاول تمنه حوالي 700جنيه مصري , لما حوالت اشترتي من دار النشر بتاعته في لندن , وبعتت ليهم اكتر من فاكس وايميل , محدش رد علي ,حاولت اشتريه من دار كتب في استراليا , لقيته ايكلفني حوالي 900 جنيه علشان الشحن . عملت ايه , دورت لحد ما لاقيته في المكتبات الموجوده في كليه الطب في القصر العيني و50 جنيه فقط , يا بلاش , الكتاب التاني لاقيته موجود بس ب250 جنيه , مع تمنه حوالي 1500جنيه لانه حوالي 3 كتب ومعاه اسطوانات , نصيحه كفايه عليك الكتابيين بس , لان كتر الكتب ايضيع تركيزك ووقتك, ده كل حاجه ,
وان شاء الله زي ما قلت ليكم لما اوصل هناك , احكي ليكم كل شء من هناك,


 
التعديل الأخير تم بواسطة zola_797 ; 08-05-2010 الساعة 02:11 PM

رد مع اقتباس
قديم 07-29-2010, 01:31 AM   #8
zola_797


الصورة الرمزية zola_797
zola_797 غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jul 2010
 أخر زيارة : 05-15-2013 (10:10 PM)
 المشاركات : 39 [ + ]
 التقييم :  10
لوني المفضل : Cadetblue
5518 يتبع



انا ان شاء الله في المنتدي ده احكي ليكم مرحله تجهيز التاشيره والحصول عليها وال سفر لاستراليا , بعد كده لما توصل استراليا اتعمل ايه واتعيش ازاي , عن تجربه واقعيه


 
التعديل الأخير تم بواسطة zola_797 ; 08-03-2010 الساعة 01:30 AM

رد مع اقتباس
قديم 07-30-2010, 09:27 PM   #9
zola_797


الصورة الرمزية zola_797
zola_797 غير متواجد حالياً

بيانات اضافيه [ + ]
 رقم العضوية : 5
 تاريخ التسجيل :  Jul 2010
 أخر زيارة : 05-15-2013 (10:10 PM)
 المشاركات : 39 [ + ]
 التقييم :  10
لوني المفضل : Cadetblue
5518 يتبع




السلام عليكم ورحمه الله وبركاته

النهارده احكي لكم الجزء الثاني من المعادله الاستراليه وهو بخصوص حجز مكان الامتحان والتاشيره والطيران
بتدخل علي موقع المجلس الطبي الاسترالي عن طريق كلمه السر بتاعاتك و تختار المكان اللي يناسبك سواتء في استراليا او خارجها ,انا اخترت ملبورن

بعد كده تدفع رسوم الامتحان وهي 1850 دولار استرالي , بعد كده ايجي لك رساله تاكيد في ايميلك بالدفع والحجز وايضا علي عنوانك البريدي

بعد كده ندخل علي مرحله التاشيره , انا خليت واحد قريبي يضع في حسابي 10 دولار استرالي لمده 3 ايام فقط , خلالها خدت جواب من البنك ان لي رصيد عندهم ب 10 الاف دولار , وديه سهله واي حد ممكن يعملها ليك ولو بمقابل

بعد كده خدت الورقه بتاعت البنك والورقه بتاعت تاكيد ميعاد الامتحان وجواز السفر وطلعت بيهم علي السفاره في مركز التجاره العالمي الدور 11,واخذت دوري ودخلت علي الموظف وقلت ليه اني حاجز امتحان واعطيته الاوراق اللي معاي ,

قالي لي ان نوع التاشيره بالنسبه للظروف ديه اسمهاbussineess short stay > ,]ودي وحشه جدا , ليه , لان فيه شرط ممنوع تمديد التاشيره اونت داخل استراليا , اشرحها في المرحله التالته

بعد كده انتظرت شهر والتاشيره طلعت , الحمدلله

بدا ابحث عن شركات الطيران ارخصها وافضله لقيت 3 شركات بتسير خطوط من القاهره الي استراليا وهم طيران الامارات وطيران الخليج وطيران سنغافوره وديه ارخصهم بحوالي 400 جنيه ولكن افضلهم هي طيران الامارات , حجزت الطيران قبل ميعاد الامتحان ب10 ايام , وكنت في نفس الوقت ابحث عن سكن هناك عي طريق مواقع متخصصه بذلك , المهم لاقيت مكان مع وشاب استرالي متجوز بس منفصل عن مراته وحكيت ليه ظروفي ووضعي , ورحب بي وطلبت منه طلبين

الاول ممنوع خمور ونساء في الشقه

والتاني عرفته اني مسلم وبصلي , ولينا صلاه غير صلاته ,
احرجني وقالي ديه حريه شخصيه وليس لي دخل بيها


كده انا مجهز السكن والطيران والتاشيره ومكان الامتحان ومبلغ حوالي 2000 دولار استرالي , كل ده قبل ميعاد السفر بحوالي 3 اسابيع وبدات استعد نفسيا للسفر



وجيه يوم السفر


 
التعديل الأخير تم بواسطة zola_797 ; 08-03-2010 الساعة 01:30 AM

رد مع اقتباس
قديم 08-02-2010, 03:23 PM   #10
dr.new


الصورة الرمزية dr.new
dr.new غير متواجد حالياً

بيانات اضافيه [ + ]
 رقم العضوية : 35
 تاريخ التسجيل :  Aug 2010
 أخر زيارة : 02-21-2011 (06:15 PM)
 المشاركات : 9 [ + ]
 التقييم :  10
لوني المفضل : Cadetblue
افتراضي



كمل يا دكتور انا متابع معاك


 

رد مع اقتباس
إضافة رد


 
أدوات الموضوع

ضوابط المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

كود [IMG]متاحة
كود HTML معطلة



المواضيع المتشابهه
الموضوع كاتب الموضوع المنتدى مشاركات آخر مشاركة
مرض الداء السكري Diabetes mellitus dr/ahmed قســـــم الباطنـــــة 15 10-29-2013 09:56 PM
عيادة الانف والحنجره هناء احمد عبدالحميد قســـــم الانف واذن 2 01-11-2012 09:24 PM
جدول الامتحان التحريري الجزء الثاني للزمالة المصرية سبتمبر2010 dr/ahmed الزمالـــة المصريـــة 4 09-20-2011 11:06 AM
0تلاوه تدمع القلب قبل العين الجزء الثاني الب ارسلان المنتدي الاسلامي 0 11-08-2010 04:21 PM
0تلاوات تهز الجبال فكيف بقلب من لحم ودم الجزء الثاني الب ارسلان المنتدي الاسلامي 0 11-04-2010 05:19 AM

Facebook Comments by: ABDU_GO - شركة الإبداع الرقمية

الساعة الآن 07:44 PM